Tre boksierë shqiptarë, triumfuan në eventin e boksit profesionist “Ring On Fire 20”, që u mbajt në Munchen të Gjermanisë.
Gala mbrëmja, ku morën pjesë shumë personalitete të boksit dhe jo vetëm, u organizua nga promotiori dhe trajneri i boksit Agron Kurtishi – A.K. Promotion.
Ishte nata e boksierëve shqiptarë të trajnerit Agron Kurtishi dhe “Fight Power Akademy.
Salla dukej e vogël për t’i zënë të gjithë, pasi interesimi ishte i madh. Sami Ahmeti u shpall kampion i botës në versionin “WBC Youth World”.
Me vendim unanim triumfoi ndaj Morenos nga Kolumbia, në kategorinë Super-Welter. Granit Shala rrëmbeu kurorën në “WBA Continental Europe”.
Kundërshtarin Alexandru Jur nga Rumania, e rrëzoi në raundin e dytë duke arrirur fitore spektakulare në kategorinë e rëndë. Triumf të rëndësishëm shënoi edhe Kelmend Halili në Super-Welter.
Gjyqtarët i dhanë unanimisht fitoren Halilit ndaj Ales Udraskas. Ishte fitorja e tretë në boksin profesionist për 26-vjeçarin.
“Ka qenë punë e madhe që është bërë me muaj të tërë. Kemi arritur suksese të mëdha. Kemi dy kanpionë, Sami Ahmeti i Botës në WBC për të rinj dhe Granit Shala në WBA Contintal Europe. Ky ishte eventi i 20 që e organizoj. Do të vazhdojmë edhe me evente dhe suksese të tjera”, tha Kurtishi.
Ky ishte ndër eventet më të mëdha të organizuara në Gjermani.
