Rruga “Ukshin Hoti” është liruar për qarkullim pas përfundimit të projektit për kyçjen e 30 objekteve banesore të lagjes Arbëria në ngrohtoren e kryeqytetit.
Këtë e ka bërë të ditur kryetari i Prishtinës, Përparim Rama përmes një postimi në Facebook të dielën.
“Pas 24 orëve punë të palodhshme të punonjësve të operatorit ekonomik e Termokos është lëshuar për qarkullim rruga “Ukshin Hoti”. Me realizimin e këtij projekti kemi bërë të mundur bashkë me kryeshefin e ndërmarrjes,Fisnik Osmani, kyçjen e 30 objekteve banesore të lagjes “Arbëria” në kryeqytet. Me përkushtim të madh e duke e dashur qytetin punët mund të kryhen shpejt dhe shumë mirë”, ka shkruar Rama.