Policia e Kosovës ka bërë të ditur se gjatë ditës së shtunë kanë ndodhur tri vdekje të dyshimta.
Rasti i parë ka ndodhur në Sadovinë e Jerlive të Vitisë, ku një person është gjetur pa shenja jete në oborrin e shtëpisë së tij.
Lidhur me këtë rast Policia e Kosovës ka bërë të ditur se viktima nga familjarët ishte dërguar në QKMF, por mjekët kanë konstatuar se viktima është pa shenja jete, shkruan teve1.info.
“Njësitet policore kanë dalë në vendin e ngjarjes, ndërsa në konsultim me prokurorin trupi i pajetë i viktimës është dërguar në IML për obduksion. Rasti është duke u hetuar”, njofton Policia.
Rasti tjetër ka ndodhur në Ferizaj, ku personi i gjinisë mashkullore është gjetur pa shenja jete në vendin e tij të punës. Në vendin e ngjarjes kanë dalë njësitet policore dhe prokurori, ndërsa vdekja është konstatuar nga ekipi mjekësor.
“Në konsultim me prokurorin, trupi i pa jetë i viktimës u është dorëzuar familjarëve”, thuhet në raportin 24-orësh të PK-së.
Rasti i tretë i vdekjes së dyshimtë ka ndodhur në Prizren, ku është raportuar se një person është hasur pa shenja jete, gjë që është konstatuar nga ekipi mjekësor.
“Njësitë relevante policore kanë dal ne vendin e ngjarjes. Në lidhje me rastin është konsultuar prokurori i shtetit me urdhër të së cilit trupi i pajetë i viktimës është dërguar në IML për obduksion, rasti vazhdon të hetohet”, njofton Policia. /teve1.info/
