Krahas Pejës, edhe skuadra e Trepçës ndeshjen e radhës në kuadër të FIBA Europe Cup e luan në Holandë. Skuadra nga Mitrovica përballet me kampionin në fuqi të Holandës, ZZ Leiden që edhe vlerësohet favorit i madh në ndeshjen që luhet të enjten prej orës 20:00 në Leiden.
Në duelin e parë, të luajtur në Mitrovicë më 25 tetor, Leideni kishte triumfuar me 30 pikë epërsi – 84:54. Trepça po paraqitet për herë të parë në grupet e FIBA Europe Cup, por nuk ka gjasa për të avancuar në raundin tjetër.
Nënkampionja e Kosovës tashmë është e eliminuar pasi renditet e fundit në grup me vetëm dy pikë të mbledhura pas dy humbjeve në po aq ndeshje. Leideni është i dyti me pesë pikë, sa i ka edhe Gravelines Dunkerque e Francës në pozitën e parë. Nga skuadra franceze, Trepça pësoi 83:49.
Grupi G i ka vetëm tri skuadra për shkak të tërheqjes së skuadrës izraelite, Hapoel Galil Elyon.
