Ashtu siç e nisi fazën e grupeve në FIBA Europe Cup, me humbje, ashtu edhe e përfundoi.
Bëhet fjalë për kampionen në fuqi të Kosovës, Trepçën, ekip që të martën mbrëma luajti ndeshjen e fundit në kuadër të Grupit F.
Në xhiron e gjashtë dhe të fundit, Trepça pësoi thellë në Poloni nga skuadra e Anwilit, e cila triumfoi me shifrat 96:78.
Për Trepçën, kjo ishte humbja e gjashtë në po aq ndeshje të luajtura në grup pas inga dy disfata i pësoi edhe nga Braunschweigu i Gjermanisë dhe PAOK-u i Greqisë.
Trepça që vazhdoi garat evropiane në FIBA Europe Cup pas eliminimit në kuadër të turneut parakualifikues të Ligës së Kampionëve, përfundoi këtë aventurë e fundit në grup me gjashtë pikë.
Anwili ishte ekip më i mirë edhe në ndeshjen e dytë, duke i dhënë fund dilemës së fituesit pas dy çerekëve të parë.
Diferenca e bë në periudhën e dytë, të cilën Anwili e fitoi me shifrat 32:19 për të regjistroi triumfin tretë në grup.
Isaiah Mucius me 16 pikë, 6 kërcime e 2 asistime ishte më efikasi te skuadra polake, ndërsa te Trepça u dallua Chad Brown me 19 pikë, 6 kërcime e 2 asistime.
