Trepça e ka fituar ndeshjen e parë gjysmëfinale “play-offit” në Superligën e Kosovës në basketboll. Të dielën pasdite në “Minatorin” e stërmbushur, Trepça ka fituar ndaj Pejës me shifrat 75:68.
Vendasit kanë kontrolluar lojën thuajse gjatë tërë kohës, ndërsa gjërat u bënë më të lehta kur në fund të çerekut të dytë u përjashtua kapiteni i Pejës, Dardan Berisha.
Rodney Purvis ka udhëhequr Trepçën me 22 pikë, tetë asistime e katër kërcime. Andrew Gordon ndeshjen e mbylli me 16 pikë e nëntë kërcime. Ty Cockfield shtoi 12 pikë.
Darius Washington realizoi 22 pikë për Pejën. Stephan Maxwell ndeshjen e mbylli me 14 pikë e 13 kërcime. Ndeshja e dytë luhet në mesjavën e ardhshme.
