Policia e Kosovës ka bërë të ditur se tre shtetas serb kanë raportuar se janë sulmuar fizikisht të shtunën në Leposaviq.
Sipas njoftimit zyrtar, viktimat, të cilët po qëndronin në një lokal, janë sulmuar me shishe, karrige dhe boks hekuri nga tre persona të tjerë.
Pas incidentit, viktimat u dërguan fillimisht në Qendrën Kryesore të Mjekësisë Familjare në Leposaviq dhe më pas u transferuan në Spitalin e Mitrovicës së Veriut për trajtim mjekësor të mëtejshëm.
Lidhur me rastin janë intervistuar tre të dyshuar, të cilët kanë pohuar se kanë pasur një përleshje mes tyre.
“Tre viktima shtetas të Serbisë kanë njoftuar se deri sa ishin duke qëndruar në një lokal, janë sulmuar fizikisht me shishe, karrige dhe boks hekuri nga tre të dy dyshuar meshkuj. Viktimat janë dërguar në QKMF Leposaviq, dhe me pas janë transferuar në Spitalin e Mitrovicës Veri për tretman të mëtutjeshëm. Lidhur me rastin janë intervistuar tre të dyshuarit m/k, ku njëri nga ta kishte lëndime në duar dhe të njëjtit pohojnë se janë rrahur ne mes vete. Me vendim të prokurorit rasti shkon në procedurë të rregullt”, thuhet në raportin e Policisë./teve1.info/
