Gjykata Supreme ka njoftuar se sot për rreth 40 minuta janë bllokuar brenda ashensorit të Gjykatës, tre gjyqtarë dhe tri zyrtare, ku gjatë kësaj kohë ashensori ka pasur lëvizje të pakontrolluara dhe tronditëse.
Gjykata ka kërkuar që kjo çështje të mos neglizhohet dhe të marren me seriozitet, ku të jetë e siguruar jeta e gjyqtarëve dhe stafit të kësaj Gjykate.
“Sot, për rreth 40 minuta janë bllokuar brenda ashensorit te Gjykatës Supreme, tre gjyqtarë dhe tri zyrtare, dhe gjatë kësaj kohe ashensori ka pasur lëvizje të pakontrolluara dhe tronditëse. Rastet e ngjashme të vitit të kaluar dhe rasti i sotëm shton nevojën që kjo çështje të mos neglizhohet më tutje, por të trajtohet me seriozitet dhe institucionet kompetente ta marrin seriozisht situatën dhe të krijojnë kushtet e punës duke siguruar se jeta e gjyqtarëve dhe stafit të Gjykatës është e sigurt”, thuhet në reagimin e Gjykatës./teve1.info/
