Në javët e fundit, transferimi i Granit Xhakës te Milanit si në mediumet italiane ashtu edhe në ato zvicerane ishte punë e kryer.
Por, lideri i mesfushës së Bayer Leverkusenit mund të mos transferohet në Serie A për shkak se çmimi i kërkuar për të është i papërballueshëm për gjigantin italian.
“Blick” ka raportuar të premten se oferta për transferimin e tij “nuk është në tavolinë” për momentin.
Kështu, e ardhmja e kapitenit të Zvicrës ende nuk dihet pasi ai ka kontratë me Leverkusenin deri në vitin 2028.
Ndërkohë, ka shtuar se raportimi se Xhaka nuk ka qenë i lumtur me trajnerin e ri, Erik ten Hag, nuk ka qenë i vërtetë, pasi është mohuar kategorikisht nga njerëz të afërm të mesfushorit 32-vjeçar, shkruan “Blick”.
Xhaka si futbollist është rritur te Baseli, ndërsa karrierë ka bërë edhe te Borussia Monchengladbachu dhe Arsenali.
Nga Arsenali u transferua te Leverkuseni në vitin 2023 për 15 milionë euro.
Xhaka me Leverkusenin e fitoi Bundesligën dhe Kupën e Gjermanisë para dy edicioneve. Në sezonin e kaluar ishte nënkampion i Gjermanisë.
