Përkundër paraqitjeve të dobëta dhe kritikave të shumta, trajneri i Burnleyt, Scott Parker ka besim të madh te sulmuesi Armando Broja.
Burnley në afatin kalimtar të verës pagoi 20 milionë euro për ta transferuar Brojën nga Chelsea, por që sulmuesi ende nuk ka treguar asgjë.
Së fundmi, Broja ishte titullar te Burnley në humbjen nga Cardiff City në kuadër të raundit të tretë të Carabao Cup, garë prej të cilës u eliminoi.
Trajneri Parker pret shumë nga Broja këtë sezon, ndonëse pranoi se sulmuesit shqiptar i duhet ende punë.
“Mendoj se Armandos i duhet ende punë pasi nuk ka luajtur shumë vitet e fundit. Duhet të jemi të qetë për të, pasi ka nevojë për minuta, stërvitje dhe punë. Do të jetë i rëndësishëm për ne, padyshim këtë sezon”, ka thënë Parker.
24-vjeçari ka kontratë me Burnleyn deri në verën e vitit 2030.
