Presidenti i Shqipërisë, Bajram Begaj, ka përgëzuar Albulena Haxhiun për zgjedhjen e saj si kryetare e Kuvendit të Kosovës, e cila u votua me 66 vota pro.
Përmes një postimi në rrjetin social Facebook, Begaj shprehu mbështetjen e Shqipërisë për institucionet e Kosovës dhe theksoi përkushtimin ndaj rrugës së saj euroatlantike.
“Punime të mbara Kuvendit të Republikës së Kosovës në Legjislaturën X! Urime, znj. Albulena Haxhiu, për zgjedhjen Kryetare e Kuvendit! Shqipëria do të vijojë të qëndrojë pranë Kosovës, në mbështetje të institucioneve demokratike të saj dhe rrugëtimit Euroatlantik!”, shkroi Begaj.
