Kryeministri i Maqedonisë së Veriut, Hristijan Mickoski ka deklaruar se kjo është ditë e rëndë për Maqedoninë dhe se humbja është shumë e madhe pas tragjedisë në Koçan, ku kanë vdekur 51 persona dhe mbi 100 të tjerë janë lënduar nga zjarri në një klub nate.
“Në këto momente të pikëllimit të thellë, jemi me ata që humbën të dashurit e tyre. Populli dhe Qeveria do të bëjnë gjithçka për të zbutur dhembjen dhe për të ndihmuar në këto momente të vështira. I bëj thirrje të gjitha institucioneve kompetente, shërbimeve shëndetësore, autoriteteve lokale të ndërmarrin të gjitha masat për të ndihmuar të lënduarit dhe për të dhënë mbështetjen e duhur familjeve të prekura”, thekson Mickoski.
Ai paralajmëroi se gjatë ditës do t’i drejtohet opinionit me më shumë informacione për hapat e ndërmarrë. /Alsat.mk
Tragjedia në Koçan, Toshkovski: 51 viktima dhe mbi 100 të plagosur
