Kryeministri i Kosovës, Albin Kurti, ka reaguar pas ndeshjes së mbrëmshme mes Kosovës dhe Turqisë në stadiumin “Fadil Vokrri” në Prishtinë, duke shprehur zhgënjimin për rezultatin, por edhe krenarinë për paraqitjen e përfaqësueses së Kosovës.
Ai theksoi se pavarësisht pikëllimit dhe debatit të zakonshëm pas ndeshjeve, Kombëtarja e Kosovës ka dhuruar emocione të jashtëzakonshme dhe ka bashkuar gjithë kombin.
Kurti nënvizoi se afërsia me kualifikimin është dëshmi e rritjes dhe potencialit të ekipit, duke shtuar se suksesi i madh është shumë pranë dhe do të arrihet së shpejti.
Në fund, ai falënderoi lojtarët, trajnerin dhe gjithë stafin për angazhimin, duke bërë thirrje për mbështetje të vazhdueshme: “Forca Kosovë!”./teve1.info/
