Presidentja e Kosovës, Vjosa Osmani, ka reaguar pas humbjes së Kosovës 0:1 ndaj Turqisë, duke thënë se pavarësisht rezultatit, Dardanët sollën krenari dhe emocione të mëdha.
E para e vendit theksoi se skuadra ishte më afër se kurrë kualifikimit në Botëror dhe se suksesi i arritur do të mbetet i rëndësishëm në histori.
Postimi i plotë:
“Dardanët e zemrave tona!
Më afër Botërorit se kurrë, por me sukses që mbetet i gdhendur në faqet e historisë gjithsesi.
Ajo që na dhanë sonte është më e madhe se një fitore: na dhanë krenari dhe emocion pa fund, por mbi të gjitha, bashkuan një komb të tërë, në Kosovë, Shqipëri e kudo që ka shqiptarë!
Sonte zemrat tona rrahën si një.
Përgjithmonë me ju Dardanë!”
