Përmes një statusi në Fcebook, Gashi ka shkruar se fshehja e vrasjes së Astrit Deharit është diçka që e kanë pas qëllim grupet e organizuara kriminale, që nga vrasja e Deharit.
“Asgjë nuk është e rastësishme!
Vjedhja e provave ne Institutin e Mjekësisë Ligjore e vërteton edhe njëherë se prapa vrasjes së Astritit qëndrojnë grupe mirë të organizuara kriminale.
Fshehja e vrasjes së Astrit Deharit është diçka që e kanë pas qëllim grupet e organizuara Kriminale që nga momenti i vrasjes së tij me 5 Nëntor 2016 në Qendrën e Paraburgimit në Prizren.
Nuk është e rastësishme që këta vetëm 30 min. pas vrasjes së Astritit e kualifikuan si Vetëvrasje sepse ishin në ndikim të shefave të tyre Politik”, ka shkruar ndër të tjera Gashi.
Reagimi i tij vjen pas konferencës së ministres së Drejtësisë, Albulena Haxhiu, e cila tha se dje janë zhdukur mostrat e Astrit Deharit nga Instituti i Mjekësisë Ligjore.
