Tifogrupi i Kombëtares së Shqipërisë, Tifozët Kuqezi, kanë reaguar të hënën në lidhje me kandidaturën e përbashkët të FSHF-së me Federatën e Futbollit të Serbisë për organizimin e “Euro 2027” për grupmoshën U21.
Tifozët Kuqezi kanë hedhur ngjyrë të kuqe në portën hyrëse të FSHF-së, ndërsa në rrethoja kanë vendosur fotografi të krimeve të Serbisë në Kosovë.
“Kundërshtojmë çdo nismë që mundohet t’ia rregullojë imazhin një populli barbar e gjenocidal. Kundërshtojmë çdo bashkëpunim me vrasësit, me ata që shkaktuan me qindra masakra ndaj shqiptarëve”, thuhet ndër të tjera në postin e TKZ-së.
Javë më parë, kreu i FSHF-së, Armand Duka konfirmoi kandidaturën e përbashkët me Serbinë për orgaznimin e Evropianit U21.
TKZ-ja më herët pati reaguar me anë të një komunikate kundër këtij organizimi të përbashkët, ndërsa tani ka nisur me reagim më të ashpër.
