Ish-mesfushori i Italisë dhe Juventusit, Mauro German Camoranesi nis një tjetër aventurë si trajner, këtë herë në krye të pankinës së maltezëve të Florianës.
Akordi mes palëve është arritur në fillim të javës, teksa ka ardhur tashmë edhe zyrtarizimi nga klubi maltez, që me Camoranesin synon të rikthehet te titulli kampion, që mungon prej sezonit 2019-2020.
Floriana është një nga dy skuadrat me më shumë tituj në Maltë, por tre sezonet e fundit nuk është shfaqur në lartësinë e duhur, teksa synon të hapë një cikël të ri me Camoranesin,
Ky i fundit vjen pas një eksperience në Slloveni te Maribor, ndërsa më herët punoi për pak ditë edhe si ndihmës i Igor Tudor te Marseille, por u largua shpejt.
