Thomas Muller do të largohet nga Bayerni Munichu në fund të sezonit.
Kjo vjen pasi që drejtuesit e skuadrës, vendosën që të mos vazhdojnë kontratën e Mullerit dhe do të largohet si lojtar i lirë.
Vetë Muller, në “X” konfirmoi largimin e tij përmes një postimi.
“Klubi ka marrë një vendim të ndërgjegjshëm për të mos hyrë në bisedime për kontratën me mua për sezonin e ardhshëm. Edhe pse kjo nuk pasqyron dëshirat e mia personale, është e rëndësishme që klubi t’u qëndrojë besnik bindjeve të tij. Unë e respektoj këtë vendim, i cili sigurisht nuk ishte një vendim i lehtë për bordin dhe bordin mbikëqyrës”, u deklarua Muller.
Muller, konsiderohet si një legjendë e klubit bavarez ku i cili ka bërë 743 paraqitje dhe ka shënuar plot 247 gola dhe 273 asiste për Bayernin.
Ai ka fituar tituj të rëndësishëm me Bayernin, mes tyre dhe dy “Tripleta” në vitin 2013 dhe 2020.
