Një i mitur është therur me thikë gjatë ditës së sotme në rrugën “Zahir Pajaziti” në Podujevë.
Për gjendjen e tij shëndetësore ka dhënë detaje për tëvë1.info drejtori i QKUK-së, Naser Syla i cili tha se i mituri gjendet në gjendje të rëndë shëndetësore.
Tutje, drejtori i QKUK-së ka deklaruar se i lënduari gjendet në sallën e operimit.
“Gjendet ende në sallë të operimit, gjendja e tij është ende e rëndë”, ka thënë Syla.
Rastin e ka konfirmuar edhe Policia e Kosovës, e cila ka bërë të ditur se lidhur me këtë rast është arrestuar një person.
“Sot rreth orës 15:00, kemi marrë informatën për një lëndim trupor të ndodhur në rrugën “Zahir Pajaziti” në Podujevë. Bazuar në të dhënat fillestare, në këtë rast nga një mjet i mprehtë dyshohet të jetë lënduar një person i cili është dërguar për trajtim mjekësor, ndërkohë që policia ka arrestuar personin e dyshuar. Në koordinim me prokurorinë policia ka nisur një hetim lidhur me rrethanat e këtij rasti”, ka deklaruar Ahmeti./teve1.info/
Një person theret me thikë në Podujevë, arrestohet i dyshuari
