Një person është therë me thikë mbrëmjen e sotme në “Dardani” të Prishtinës.
Viktima ka pësuar plagë nga një mjet i mprehtë dhe është dërguar për trajtim mjekësor.
Kështu ka bërë të ditur për teve1, zëdhënësja e Policisë së Kosovës, për rajonin e Prishtinës, Flora Ahmeti.
“Sot rreth orës 20 :45, kemi marrë informatën për një lëndim trupor të ndodhur në lagjen Dardania në Prishtinë. Bazuar në të dhënat fillestare, në këtë rast nga një mjet i mprehtë është lënduar një person. I njëjti është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti”, tha Ahmeti./teve1.info/
