Një person është therur me thikë sot rreth orës 17:00 në Fushë Kosovë.
Lajmin për teve1.info e konfirmoi Flora Ahmeti, zëdhënëse e policisë për rajonin e Prishtinës.
“Sot rreth orës 17:00, kemi marrë informatën për një lëndim trupor të ndodhur në rrugën “Elez Berisha” në Fushë Kosovë. Bazuar në të dhënat fillestare, në këtë rast nga një mjet i mprehtë është lënduar një person. I njëjti është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti. Lidhur me këtë rast është arrestuar një person i dyshuar”, ka deklaruar Ahmeti.
