Teve1 ka siguruar pamje ekskluzive të disa dronëve të dyshuar që i përkasin Serbisë, të cilët janë parë duke fluturuar mbi zonat veriore të vendit, në orët e mbrëmjes të së enjtes.
Sipas burimeve të sigurisë, dronët janë vërejtur rreth orës 20:30, duke vepruar mbi Komunën e Zveçanit dhe Mitrovicës së Veriut, me lëvizje të përsëritura mbi Lagjen e Boshnjakëve.
Pamjet, që tashmë janë siguruar nga Teve1, tregojnë qartë fluturime të ulëta dhe të koordinuara, të cilat dyshohet se kanë pasur qëllim vëzhgimi.
Tëvë1 ka dërguar pyetje edhe në organet e sigurisë, por të njëjtit akoma nuk kanë përgjigje. /teve1.info/
