Gazetari e kameramani ynë, Vehnar Isufi dhe Edon Hoxhaxhiku sot gjatë raportimit janë penguar nga një familjar i viktimës, i cili dyshohet se u vra nga kunata, mbrëmë në Prishtinë.
Familjari e ka ofenduar ekipen si dhe i ka larguar me forcë nga vendi ku po raportonin.
Televizioni Tëvë1 publikisht i shpreh ngushëllime familjes, dhe ndjen keqardhje për ndodhin.
Veprimi në fjalë i familjarit është i papranueshëm dhe Tëvë1 konsideron se me të njëjtin rast duhet të merren organet e rendit.
Gazetari e ka për obligim që ta informojë publikun në rastet e ngjashme, si ajo që ka ndodhur mbrëmë.
Andaj, mediat e kanë për obligim që ta kryejnë punën e tyre në shërbim të popullit, dhe nuk duhet të ketë hapësirë për pengesa të tilla dhe ofendime si ajo që tashmë ndodhi sot.
Për incidentin ka reagua edhe gazetari Venhar Isufi.
“Me një ngjarje si kjo sot nuk jam përballur tash e 5 vite qe merrem me gazetari. Paraprakisht, i shprehi ngushëllime familjes së viktimës të cilët me pritën shumë mirë pas këtij rasti ku një familjar i tyre na pengoj në detyrën tonë , ndonëse ishim shumë larg nga vendi i ngjarjes. Duhet ta kupton opinioni se ne gazetarët e bëjmë punën tonë, askujt nuk i pengojmë në çështjet familjare e personale”, ka shkruar ai ndër të tjera./teve1.info/
