Policia e Kosovës, ka dhënë më shumë detaje për aksidentin e së dielës në autostradën “Ibrahim Rugova”, në drejtim Suharekë- Prizren.
Sipas raportit policor, tetë persona kanë mbetur të lënduar nga ky aksident dhe të njëjtit janë dërguar në qendrën emergjente për trajtim mjekësor, ndërsa njëri prej tyre për shkak të lëndimeve më të rënda trupore është dërguar në Qendren Universitare të Kosovës (QKUK).
Po ashtu, është bërë e ditur se aksidenti ka ndodhur ashtu që i dyshuari derisa ishte duke e drejtuar automjetin ka goditur dy vetura të tjera nga pakujdesia.
“Autostrada Dr. Ibrahim Rugova, KM 33. 25.08.2024 – 08:10. I dyshuari mashkull kosovar deri sa ishte duke e drejtuar automjetin e tij nga pakujdesia godet dy vetura tjera. Si pasojë e aksidentit lëndime trupore kanë marrë tetë persona kosovar dhe të njëjtit janë dërguar për tretman mjekësor në qendrën emergjente, kurse njëri për shkak të lëndimeve të rënda trupore është dërguar në QKUK për tretman të mëtutjeshëm. Rasti është nën hetime”, thuhet në raport./teve1.info/
Aksident në autostradën “Ibrahim Rugova”, lëndohen tre persona
