Tetë persona janë vrarë nga ushtria izraelite që nga fillimi i operacionit të bastisjen në Jenin, tha ministria palestineze e shëndetësisë.
Ka pasur gjithashtu 50 persona të plagosur – 10 prej të cilëve janë lënduar rëndë, thuhet në përditësimin e fundit, raporton BBC.
Bastisja në Jenin është në vazhdim, me mijëra trupa izraelite që besohet të jenë të përfshirë në sulmin në qytetin e Bregut Perëndimor.
Ndërsa,ushtria izraelite njoftoi se ka kryer sulme ajrore ndaj më shumë se 10 pikave në qytetin Jenin të Bregut Perëndimor nën pushtim.
“Mjetet ajrore pa pilot të ushtrisë (dronë) kryen sulme ndaj më shumë se 10 pikave kundrejt objektivave dhe personave të armatosur në kampin e refugjatëve në Jenin. Është shkatërruar një punishte ku prodhoheshin dhe magazinoheshin shpërthyes të punimit me dorë, si dhe janë konfiskuar një raketë-lëshues i punimit me dorë dhe armë të llojeve të tjera”, thuhet në deklaratë, raporton Anadolu.