Pas Evertonit e Newcastle Unitedit, edhe një ekip tjetër nga Premier League e Anglisë ka shprehur interesim për Edon Zhegrovën.
Mësohet se Aston Villa është në garë për Zhegrovën, i cili do të largohet nga Lille në këtë afat kalimtar për shkak se ka refuzuar rinovimin e kontratës.
Sulmuesi i krahut, vlerësohet si përforcim i rëndësishëm tek Aston Villa, ekip që duhet të paktën të ofrojë 25 milionë euro për kartonin e Zhegrovës.
Zhegrova ka tërhequr interesim edhe nga Serie A e Italisë, dhe mbetet të shihet se ku do të përfundojë deri në fund të afatit kalimtar.
26-vjeçari është bashkuar me Lillen në stërvitje, por ekipi nga Franca është në pritje të ofertës së duhur pasi ka paralajmëruar shitjen e tij.
Zhegrova nuk ka luajtur për më shumë se gjashtë muaj shkaku i lëndimit kurse me Lillen ka kontratë deri në vitin tjetër.
