Po njësoj si testi i arritshmërisë, edhe testi i maturës u shpërnda në rrjetet sociale.
E përkundër faktit se janë marrë masa nga Ministria e Arsimit, Shkencës dhe Teknologjisë, në bashkëpunim me Këshillin Rinor të Kosovës, ata konfirmuan se ka pasur raste që janë raportuar për tentim kopijimi.
Ditjon Fetahu, kryetar i këshillit, thotë se ka një numër të konsiderueshëm të rasteve që u lajmëruan gjatë kohës së testimit.
Por pavarësisht kësaj, disa admistratore të angazhuara shprehen se nuk kanë hasur ndonjë problem apo tentim kopijimi nga ana e nxënësve.
Edhe nxënësit pohuan të njëjtën gjë.
Madje sipas tyre këtë vit masat ishin më të rrepta.
Testit të Maturës këtë vit i’u nënshtruan rreth 22 mijë nxënës, ndërsua u organizua në 171 Qendra të Testimit, e për mbarëvajtjen e procesit ishin të angazhuar rreth 1600 administrues.
Kronika e realizuar nga gazetarja Valëza Sylejmani.
