Një punëtor i një pompe derivatesh në Obiliq ka raportuar se dy persona të panjohur nën kërcënimin e mjeteve të forta kanë tentuar të kryejnë grabitje duke thyer xhamin e kabinës.
Në raportin policor bëhet e ditur se të dyshuarit nuk kanë arritur të marrin asgjë dhe janë larguar në drejtim të panjohur.
Ndërkaq, viktima ka pësuar lëndime trupore për të cilat ka pranur trajtim mjekësor.
“Viktima mashkull/k, punëtor në një pompë të derivateve ka raportuar se dy të dyshuar të panjohur nën kërcënimin e mjeteve të forta kanë tentuar të kryejnë grabitje duke thyer xhamin e kabinës, por nuk kanë arrit të marrin asgjë dhe janë larguar në drejtim të panjohur. Si pasojë, viktima ka pësuar lëndime trupore dhe ka pranuar tretman mjekësor. Lidhur me rastin është njoftuar prokurori”, thuhet në raportin e Policisë./teve1.info/
