Seanca konstituive e Kuvendit të Kosovës është përshkallëzuar pas fjalës së kryetarit të Lëvizjes Vetëvendosje, Albin Kurti, i cili kërkoi kohë shtesë për të propozuar emrin e kandidatit për kryetar të Kuvendit.
Pas fjalës së Kurtit, deputetja e Aleancës për Ardhmërinë e Kosovës, Time Kadrijaj, iu afrua dhe hodhi vezë në drejtim të tij.
Pas këtij veprimi, situata në sallën plenare u tensionua.
Deputetë nga grupe të ndryshme parlamentare u ngritën në këmbë, ndërsa pati edhe përplasje dhe shtyrje fizike mes tyre.
Në situatën e krijuar ndërhynë deputetët e tjerë dhe pjesëtarët e forcave të sigurisë për të qetësuar gjendjen.
Kryesuesi i seancës, Avni Dehari, më pas ndërpreu seancën./teve1.info/
