Për vrasjen e mbrëmshme në Pogragjë të Gjilanit, ku dyshohet se babai vrau djalin e tij, shprehen të trondit dhe të afërm të familjes.
Një prej tyre ka thënë për Tëvë1 se nuk kanë pas ndonjë problem në familje dhe se arsyet nuk i dinë as ata
“Na ka trondit rasti, si familje s’kanë pas asnjë problem. Si dimë as pse as qysh ka ndodhe. Nuk e kena as ma voglin dyshim pse ka mujt me ndodhe”, tha ky i afërm që nuk deshi të prononcohet para kamerave.
I dyshuari për vrasjen e 29-vjeçarit gjendet në arrati. Motivet e vrasjes deri më tani nuk i ka të njohura as Prokuroria Themelore në Gjilan.
Mbrëmë në Pogragjë të Gjilanit është vrarë me armë zjarri 29-vjeçari B.A, ku i dyshuar është babai i tij, R.A, 53-vjeç.
I dyshuari pas kryerjes së aktit është arratisur edhe është në kërkim nga organet e rendit.
Prokuroria ka bërë të ditur se i dyshuari dhe viktima nuk kishin të kaluar kriminale.
Prokuroria: Motivet për vrasjen në Pogragjë akoma të pa njohura
