Të shtëna me armë zjarri kanë ndodhur pasditen e së enjten në rrugën “Astrit Rrushi” në Prishtinë.
Njësitë policore kanë dalë menjëherë në vendin e ngjarjes, ndërkohë që zëdhënësja e Policisë për rajonin e Prishtinës ka bërë të ditur për teve1.info se nuk ka persona të lënduar.
“Rreth orës 15:00 kemi marrë informatën për të shtëna me armë zjarri, në rrugë ‘Astrit Rrushi’ në Prishtinë. Njësitet policore menjëherë kanë dalë në vendin e ngjarjes, nuk raportohet për persona të lënduar”, ka deklaruar Ahmeti.
Ndërkaq, bëri të ditur se njësitë relevante policore kanë nisur një hetim për të sqaruar rrethanat e rastit dhe janë në kërkim të personit të dyshuar, i cili tashmë është identifikuar.
“Hetuesit policor kanë nisur një hetim lidhur me rrethanat e këtij rasti dhe po punojnë për arrestimin e personit të dyshuar i cili tashmë është identifikuar”, përfundoi ajo.
