Të shtëna me armë kanë ndodhur mbrëmjen e së enjten në rrugën “Rrahim Beqiri” në Prishtinë.
Policia e Kosovës ka thënë se për këtë rast ka marrë informacione rreth orës 21:00 dhe se menjëherë kanë dal në vendin e ngjarjes.
Flora Ahmeti zëdhënëse e Policisë për rajonin e Prishtinës ka thënë për teve1.info se deri tash nuk raportohet për të lënduar.
“Bazuar në informacionet e deritanishme nuk raportohet për persona të lënduar nga arma e zjarrit. Hetuesit policor në koordinim me prokurorinë, ndërmarrin veprimet hetimore për ndriçimin e plotë të rastit dhe janë në kërkim të personave të dyshuar të cilët janë identifikuar nga ana e policisë”, ka thënë ajo.
