Lajmin për teve1.info e ka konfirmuar zëdhënësi i Policisë së Kosovës, Daut Hoxha.
Ai bëri të ditur se nuk bëhet fjalë për ndonjë rast policor, teksa shtoi se nuk dihet se a kanë ndodhur të shtënat në pjesën e Kosovës apo të Serbisë.
“Bazuar në informacionet e deritanishme, mund të ju informojmë se në afërsi të fshatit Bube që gjendet në zonen kufitare Mitrovicë Veri, janë dëgjuar disa të shtëna me armë. Të shtënat nuk ndërlidhen me ndonjë rast policor dhe se ende nuk dihet se a kanë ndodhur në pjesën e Republikës së Kosovës apo të Serbisë. Policia e Kosovës është duke ndërmarr veprimet e saja policore”, tha Hoxha./teve1.info/.
