Mbrëmjen e së mërkurës, fshati Mollopoc në komunën e Shtimes u përfshi nga të shtëna me armë zjarri, duke shkaktuar shqetësim te banorët e zonës.
Policia e Kosovës ka bërë të ditur se si të dyshuar në këtë rast janë N.M. (31 vjeç) dhe A.M. (27 vjeç). Sipas autoriteteve, të dyshuarit dyshohet se kanë shtënë me armë zjarri gjatë zhvillimit të një ahengu.
Pas ndërhyrjes së policisë, dy personat janë shoqëruar në stacionin policor për intervistim, ndërsa janë konfiskuar dy armë zjarri, konkretisht pistoleta me gaz.
Lidhur me rastin është njoftuar edhe prokurori i shtetit, i cili ka urdhëruar inicimin e procedurave penale për veprat “Mbajtje në pronësi, kontroll ose posedim i paautorizuar i armës” dhe “Përdorimi i armës”. Hetimet për zbardhjen e plotë të rastit janë duke vazhduar.
