Një rast i tentim vrasjes është raportuar të ketë ndodhur të enjten pas mesnate në rrugën “Imer Alushani” në Gllogoc.
Sipas raportit 24-orësh të policisë, viktima mashkull kosovar ka deklaruar se dy persona të dyshuar e kanë sulmuar derisa ndodhej në veturën e tij.
Njëri prej tyre, i armatosur me pistoletë, dyshohet se ka shtënë dy herë në drejtim të automjetit, ndërsa i dyshuari tjetër ka goditur veturën me një mjet të fortë.
Nga rasti raportohet vetëm për dëme materiale në veturë, ndërsa nuk ka persona të lënduar.
Policia ka bërë të ditur se njëri nga të dyshuarit është arrestuar në vendin e ngjarjes.
Gjatë kontrollit, atij i është gjetur dhe konfiskuar një armë zjarri pistoletë me një karikator pa fishekë.
Pas intervistimit, me vendim të prokurorit, i dyshuari është dërguar në mbajtje për 48 orë, ndërsa hetimet për rastin po vazhdojnë.
“Viktima mashkull kosovar raporton se dy të dyshuar, njëri prej tyre i armatosur me një pistoletë, ka shtënë dy herë në drejtim të veturës së viktimës, kurse i dyshuari tjetër me një mjet të fortë ka goditur veturën e viktimës. Raportohet vetëm për dëme materiale të shkaktuara në veturë. Është arrestuar njëri nga dy të dyshuarit, ku të njëjtit i është gjetur dhe konfiskuar arma pistoletë me një karikator pa fishek. Pas intervistimit, me vendim të prokurorit, i dyshuari dërgohet në mbajtje për 48 orë”, thuhet në raportin e PK-së./teve1.info/
