Një kalimtare e rastit është plagosur aksidentalisht pasi disa persona kanë shtënë me armë zjarri në drejtim të njëri-tjetrit.
Lajmin e ka konfirmuar për Tëvë1, zëdhënësi i Policisë për rajonin e Gjakovës, Lumni Graishta, i cili bëri të ditur se e lënduara nuk është në rrezik për jetë.
Sipas tij, gjendja shëndetësore e saj është stabile, ndërsa ajo është dërguar për trajtim mjekësor në Spitalin Rajonal të Gjakovës.
Ai tha se deri më tash ende nuk ka të arrestuar për rastin, dhe tregoi se Policia tashmë ka dalë në vendin e ngjarjes.
Policia ka nisur hetimet për zbardhjen e rrethanave të incidentit dhe identifikimin e personave të përfshirë. /teve1.info/
