Lajmin për teve1.info e ka konfirmuar zëdhënësi i Policisë së Kosovës për rajonin Mitrovicës së Veriut, Besim Hoti.
Ai bëri të ditur se gjatë këtij aksioni janë dëgjuar të shtëna me armë zjarri por që nuk raportohet për ndonjë të lënduar.
“Sot, policia ka asistuar në një aksion të Doganës në Rudinë të Zveçanit. Aty janë dëgjuar edhe të shtëna me armë zjarri. Nga ky rasti nuk ka të lënduar. Policia ka dal në vendin e ngjarjes dhe po kryen shikimin e vendit të ngjarjes”, tha ai.
Tutje, Hoti tregoi për teve1.info se gjatë këtij aksioni ata kanë gjetur elemente të veprave penale që ndërlidhen me kultivimin e substancave narkotike./teve1.info/
