Trajneri i Prishtinës Arsim Thaqi dhe mbrojtësi Ardian Limani, janë shprehur të matur para ndeshjes së parë kualifikuese të Ligës së Evropës, sonte kundër Sheriff Tiraspolit.
Rikthimi në Evropë pas katër vjetësh për Prishtinën, është një motiv shtesë për skiadrën sipas Thaqit e Limanit, të cilët synojnë të kthehen të pamposhtur nga ky udhëtim në Moldavi.
“Shoh motiv të madh të lojtarët që ta bëjmë të pa mundurën dhe të kthehemi të pa mposhtur nga kjo ndeshje. Lojtarët me padurim e presin këtë ndeshje”, ka thënë trajneri Thaqi për duelin që luhet sonte nga ora 19:00, në “Sheriff Arena” të Tiraspolit, në Moldavi.
Për bardhekaltrit kjo është një sfidë e vështrië kundër nënkampionit dhe fituesit në fuqi të Kupës së Moldavisë.
Mbrojtësi Ardian Limani ka thënë se Prishtina ka skuadër kualitative për t’u kthyer me rezultat pozitiv në Kosovë. Ai pranon se Prishtinën e pret punë e vështirë ndaj Sheriff Tiraspolit.
“Presim ndeshje të fortë nesër, sepse dihet që Sheriff Tiraspoli është ekip me histori dhe shumë i fortë, por ne ka një muaj që jemi duke u përgatitur për këtë ndeshje. Kemi kualitet për të marrë rezultat pozitiv për t’u kthyer më të qetë në Kosovë për ndeshjen e kthimit”, ka thënë Limani për faqen e klubit.
Prishtina kthehet pas katër vjetësh në gara evropiane. Së fundi, në gara evropiane Prishtina u paraqit në edicionin 2021/2022.
