Shefi i Grupit Parlamentar të Aleancës për Ardhmërinë e Kosovës, Besnik Tahiri, ka bërë të ditur pas mbledhjes së Kryesisë së Kuvendit se seanca e radhës do të mbahet të premten.
Tahiri ka theksuar se temat kryesore të seancës janë katër marrëveshje ndërkombëtare.
Ai gjithashtu ka treguar se gjatë mbledhjes është diskutuar edhe për rezolutën e Partisë Demokratike të Kosovës të cilën GP i AAK-së e mbështet që të jetë pika e parë e rendit të ditës.
“Seanca e radhës do të jetë të premten, tema thelbësore janë katër marrëveshje ndërkombëtare. Pati një debat për rezolutën e PDK-së. GP i AAK-së e mbështet që rezoluta të jetë si pikë e rendit të parë. Duda Balje i është bashkuar GP të AAK-së si anëtare e GP. I gjithë debati po reflekton edhe debatin që ndërlidhet me procesin zgjedhor”, ka thënë Tahiri.
