Skela që mbështeste një kishë në ndërtim e sipër në rajonin Amhara të Etiopisë u shemb të mërkurën, duke vrarë të paktën 25 persona dhe duke plagosur dhjetëra të tjerë, thanë autoritetet.
Aksidenti ndodhi në mëngjes në Kishën Menjar Shenkora Arerti Mariam në Amhara, Etiopia veriore, ndërsa besimtarët u mblodhën për një aktivitet vjetor që festonte Shën Marinë, raporton AP.
Sipas dëshmitarëve, shumë besimtarë ishin ngjitur në skelat prej druri për të parë një mural në tavan kur struktura mbështetëse u shemb.
Teshale Tilahun, administratori lokal, paralajmëroi se numri i të vdekurve mund të rritet. “Është një humbje tragjike për komunitetin”, tha ai.
