Për këtë kërkohet më shumë kujdes nga institucionet.
Në Qendrën për Punë Sociale në Prishtinë thonë që numri i fëmijëve që punojnë është i madh.
“Ligji i punës në Kosovë përcakton se marrëdhënia e punës mund të themelohet edhe me personat në mes të moshës pesëmbëdhjetë deri në tetëmbëdhjetë vjeç, të cilët mund të punësohen për punë të lehta që nuk paraqesin rrezik për shëndetin ose zhvillimin e tyre dhe nëse ajo punë nuk është e ndaluar me ndonjë ligj ose akt nënligjor”, thotë Vehbi Mujku – drejtor i Qendrës për Punë Sociale.
Ai rendit llojin e punëve që mund të bëjnë të miturit nga 15 deri në 18 vjeç.
Ndërsa në Koalicionin e OJQ-ve për mbrojtjen e fëmijëve kërkojnë më shumë të drejta për ta.
Sepse sipas tyre, nuk po bëhet mjaftueshëm për këtë kategori.
Sipas statistikave të Koalicionit të OJQ-ve për mbrojtjen e fëmijëve në Kosovë 5 për qind e fëmijëve janë të përfshirë në punë.
Kronika e realizuar nga Valëza Sylejmani
