“Të enjten, me kërkesë të grupit parlamentar të AAK-së do të mbahet një debat parlamentar në lidhje me gjendjen e sigurisë në vend, në veçanti duke parë rrethanat tani në Ballkanin Perëndimor si dhe problemet lidhur me sigurinë në këtë temë”, tha Tahiri.
Gjatë një deklarate të shkurtër pas mbledhjes së Kryesisë së Kuvendit, Tahiri shtoi se një çështje tjetër e cila është diskutuar dhe ka mbledhur nënshkrimet e opozitës është edhe themelimi i një Komisioni hetimor.
“Një çështje tjetër e cila është diskutuar në Kryesinë e Kuvendit lidhet po ashtu me kërkesën tonë, pra të opozitës, për një hetim parlamentar. Si opozitë ne i kemi mbledhur të gjitha nënshkrimet dhe do të vendosim në seaancën e së enjtes si pikë themelimin e këtij komisioni. Është me rëndësi që trajtimi i energjisë, trajtimi i çështjeve tani që po vijnë edhe këto dhe punësimet në KEK të trajtohen nga ky komision hetimor dhe të dalë e vërteta në shesh, cilado që të jetë ajo”, shtoi Tahiri. /Teve1.info/
