Pas protestave për zgjedhjen e Bekë Berishës kryetar të Klubit të Basketbollit Prishtina, të enjten mbrëma tifogrupi prishtinas “Plisat”, dolën sërish me një qëndrim kundër kryesisë së re.
Përmes një aksioni në sallë, duke kundërshtuar por edhe fyer Bekë Berishën kryetarin e ri të klubit, por edhe ish-udhëheqësit Blerand Stavileci e Florian Miftari, “Plisat” në mbrëmjen e së enjtes i arsyetuan veprimet e tyre, derisa kanë bërë thirrje që të vazhdohet me protesta edhe më të mëdha.
“Qëndrimi ynë është i qartë. Kjo udhëheqësi nuk ka vend te KB Prishtina. Kjo është vazhdimësi e asaj që kemi nisur dhe nuk do të ndalemi derisa të largohen të gjithë ata që nuk kanë qëllime të mira për klubin.
Nga ndeshja tjetër i ftojmë të gjithë prishtinalitë që masovikisht të na bashkangjiten në sallë!
Lufta jonë nuk ndalet. Shihemi në tribunë”, shkruan në njoftimin në Facebook, të tifozerisë “Plisat”.
