Anëtarja e PSD-së, Teutë Rrusta ka thënë se asnjë kandidat për president i propozuar nga Lëvizja Vetëvendosje nuk duhet të mbështet nga paritë opozitare.
Ajo ka thënë se secili kandidat që propozohet nga LVV do t’i shërbejë kësaj partie.
“Asnjë kandidat që propozon Lëvizja Vetëvendosje nuk duhet me u mbështetë. Çdo kush që propozohet nga LVV a ke me i shërbyer vetëm kësaj force. Opozita duke qenë e shantazhuar për faktin se ka me shkua në zgjedhje ka me shkua duke rënë. Por nëse kanë rënie ta kenë për disa parime, se në afatgjatë rritesh se njerëzit e vlerësojnë se ka pas do parime”, ka thënë Rrusta në emisionin “Këndi i Debatit” në Tëvë1.
Vështirë se Osmani do të bëhet presidente, vlerëson politologu Dorajet Imeri.
Ai ka thënë se situata aktuale në LDK e cila ka qenë partia më e mundshme për ta votuar Osmani e bënë situatën e vështirë për Osmanin.
“Është e pamundur që znj Osmani të bëhet presidente për shkak të kësaj situate që ndodhe LDK si tangjenta më potenciale për të votuar znj. Osmani për presidente”, ka thënë ai.
Disa anëtarë të PDK-së dhe LDK-së kanë deklaruar se nuk do ta mbështesin asnjë kandidat për president të propozuar nga LVV pa një marrëveshje.
Presidentja aktuale Vjosa Osmani ka thënë se synon edhe një mandat në krye të shtetit.
