Janë shpallur të pafajshëm Betim Reçica, Isa Berisha, Leonora Limani dhe Mirdit Emini, për akuzat për korrupsion.
Trupi gjykues në aktgjykimin e shpallur të martën, mori vendim se nuk është provuar se të akuzuarit kanë kryer veprat penale të cekura si në aktakuzë, kështu që lirohen nga akuzat për korrpsion.
Sipas aktakuzës së ngritur nga Prokuroria Speciale më 15 shkurt 2021, Betim Reçica akuzohet se si ushtrues i detyrës së drejtorit të Prokurimit Publik në Ministrinë e Infrastrukturës gjatë vitit 2017, me qëllim të përfitimit financiar për kompaninë “Gjoka Konstruktion”, ushtroi ndikim të drejtpërdrejtë te Isa Berisha, kryetar i Komisionit Rivlerësues dhe Leonora Limani e Mirdit Emini, anëtarë të këtij komisioni, që ishin vartës të tij, duke i vënë në presion kohor që rivlerësimin e tenderit për ndërtimin e Autoudhës së Gjilanit ta kryejnë për 10 ditë.
Ndaj Reçicës rëndojnë akuzat për “Ushtrim ndikimi”, “Shpëlarje parash”, dhe “Keqpërdorim të autoritetit zyrtar”.
Kurse, Isa Berisha, Leonora Limani dhe Mirdit Emini akuzohen për “Keqpërdorimi i detyrës apo autoritetit zyrtar”./teve1.info/
