Presidentja e Kosovës, Justina Shiroka-Pula, ka zhvilluar takim me kryeministrin Albin Kurti, ku ka shprehur gatishmërinë për bashkëpunim të ngushtë dhe bashkërendim ndërmjet dy institucioneve.
Sipas njoftimit të Presidencës, gjatë takimit Shiroka-Pula ka theksuar rëndësinë e bashkëpunimit institucional në shërbim të qytetarëve dhe interesave të vendit.
“Gjatë takimit, presidentja Shiroka-Pula shprehu gatishmërinë për bashkëpunim të ngushtë dhe bashkërendim ndërmjet institucioneve, në shërbim të qytetarëve dhe të interesave të vendit”, thuhet në njoftimin e Presidencës.
Ndërkaq, kryeministri Kurti e ka falënderuar Shiroka-Pulën për gatishmërinë për të marrë këtë përgjegjësi dhe i ka uruar sukses në detyrë.
“Ai shprehu përkushtimin për të bashkëpunuar me të në përmbushjen e detyrave kushtetuese dhe në çështjet me rëndësi për Republikën e Kosovës”, thuhet më tej në njoftim.
