Kryeministri në detyrë, Albin Kurti, dhe kryetari i Nismës, Fatmir Limaj, janë takuar sot me presidenten Vjosa Osmani dhe zyrtarë nga kabineti i saj.
Burime të Tëvë1 bëjnë me dije se në këtë takim po diskutohet për organizimin e seancës së Kuvendit, e cila pritet të mbahet sot në orën 22:00, me qëllim konstituimin e institucioneve të reja.
Takimi vjen pas disa tentativave të dështura për formimin e Kuvendit dhe shfaqjes së bllokadave politike që kanë penguar krijimin e institucioneve.
Mbetet të shihet nëse në këtë seancë do të arrihet të sigurohet numri i nevojshëm i votave për konstituimin e Kuvendit të Kosovës dhe fillimin e mandatit të ri qeverisës.
