Vazhdimin e gjendjes emergjente për energjinë nga shumica parlamentare e Vv-së, Tahiri e ka cilësuar si paaftësi të Qeverisë për të përmirësuar situatën me energji.
Ai përmes një postimi në Facebook ka thënë se vendimmarja e Qeverisë është në funksion të mbrojtes së interesit të kompanive private për të cilat tha se Qeveria po i ofron imunitet nga paditë të cilat qytetarët dhe bizneset do ti parashtronin në gjykatë.
“Vazhdimi i gjendjes emergjente nga shumica parlamentare e Lëvizjes Vetëvendosje është konfirmim se paaftësia për ta ndryshuar e përmirësuar situatën me furnizim të energjisë elektrike është e dukshme dhe e matshme. Fatkeqësisht, krejt vendimmarrja e qeverisë është në funksion të ruajtjes dhe mbrojtjes së interesit të kompanisë private për furnizim me energji, të cilës qeveria me këto masa po i ofron imunitet nga paditë civile që konsumatorët (qytetarët dhe bizneset), do të mund ti parashtronin në gjykatë, si rezultat i kufizimit të furnizimit me energji dhe dëmeve të mëdha që do të mund t’ju shkaktohen atyre”, tha ai.
Kurse sot Kuvendi me 61 vota për e miratoi zgjatjen e masave emergjente për energjinë elektrike./teve1.info./