Kandidati i LDK-së për deputet në Kuvendin e Kosovës, Xhafer Tahiri ka thënë se legjislatura e Kuvendit të Kosovës ka dështuar që të përmbushë agjendën e vetë legjislative.
I ftuar në emisionin “Ditari” në tëvë1, ai ka thënë se kjo legjislaturë ka aprovuar 15% të planit legjislativ në gjashtë mujorin e parë të këtij viti.
Ndërkaq, lidhur me projektligjet e miratuara në Kuvend, Tahiri i cilëson për fushatë elektorale.
“Kjo legjislaturë ka dështuar që të përmbushë agjendën e vet legjislative, në gjashtë mujorin e parë të këtij viti kjo legjislaturë ka provuar vetëm 15% të planit legjislativ, pra nëse ka pasur të aprovoj 100 ligje ka aprovuar vetëm 15 ligje. Ligji për sigurimet shëndetësore është i domosdoshëm, qytetarët e Kosovës vuajnë shumë për faktin se nuk kanë një ligj për sigurimet shëndetësore dhe kjo është një domosdoshmëri e kohës, dhe të kesh një ligj dhe mos e zbatosh për tri vite dhe të mos ndash buxhet fare për vitin e ardhshëm për të njëjtin ligj dhe pastaj të shkosh në parlament pa asnjë urgjencë dhe të votosh, kjo është thjesht një fushatë elektorale duke u munduar të iu hedhin hi syve të qytetarëve të Kosovës, për t`iu treguar se gjoja po punojmë ndërkohë që po them prapë, janë deputetët me të privilegjuar, por që kanë më së paku përgjegjësi para popullit dhe që kanë realizuar më së paku planin e punës, sot këta deputet asnjë në mënyrë nuk janë të barabartë me një qytetar”, ka deklaruar Tahiri.
I pyetur për largimin e anëtarëve të Listës Serbe nga Kuvendi me urdhrin e Konjufcës, sipas tij është një veprim popullist.
“Mu duk një veprim popullist, rregulla e kuvendit që mundesh të marrësh pare, paguhesh në Kuvend pa punuar asgjë është gabim dhe duhet të ndryshohet. 51% e Kuvendit kanë realizuar vetëm 15% të Planit në gjashtë mujorin e parë. Rregulli që të shkosh një herë në gjashtë muaj në Kuvend dhe të paguash, për mua është vendim i gabuar të vlejë në mënyrë të njësoj për të gjithë”, ka thënë ai.
Ndërkohë, për sulmin e Ibër-Lepencit, Tahiri thotë se Kosova duhet të jetë strategjik në përballje me Serbinë.
“Unë e dënoi aktin terrorist në kanalin e Ibër-Lepencit në Zubin Potok, LDK në përballje me Serbinë ka një histori krenarie, në përballje me Serbinë ne duhet të jemi strategjik, njërën anë të ruajmë interesant e Kosovës, dhe njërën anë të ruajmë miqësinë sepse interesat e Kosovës mbrohen më mirë me aleatët ndërkombëtarë”, tha ai ndër të tjera./teve1.info/
