“Po ashtu për Ligjin për Qeverinë, ne sapo e kaluam si Kuvend një ligj i cili në mënyrë antikushtetuese i jep të drejtë zv.ministrit të votoj. AAK këtë ligj do ta dërgoj në Gjykatën Kushtetuese për shkak se jemi të bindur që kjo e drejtë që iu ka dhënë me ligj zv.ministrave është kundërkushtetuese”, tha ai.
Tahiri po ashtu deklaroi se miratimi i projektligjeve të caktuara me procedurë të përshpejtuara është qasje e gabuar, pavarësisht se një gjë të tillë e lejon rregullorja.
“Unë e kuptoj që këtë rregullorja e lejon mirëpo kjo qasje është e gabuar dhe nuk i bënë nder këtij kuvendi”, tha Tahiri.
Tahiri këto komente i bëri në seancën parlamentare, pasi shumica parlamentare e miratoi mocionin për kalimin e dy ligjeve me procedurë të përshpejtuar, derisa opozita nuk mori pjesë fare në votim.
“Kjo seancë që po e mbajmë tash sapo është duke i shkelë dy funksione të rëndësishme që ne i kemi si institucion. Unë e kuptoj që Grupi Parlamentar i VV-së ka arrit më në fund që pas një kohe të gjatë t’i mbledh 63 vota, mirëpo të anashkalohen procedurat e shqyrtimit të ligjeve me rëndësi vitale nuk është asgjë tjetër përveç shkelje e funksionimit dhe ndërhyrje në punën tonë që e kemi në kryesi”, u shpreh ai.
Kuvendi e miratoi mocionin për kalimin me procedurë ët përshpejtuar Projektligjin për caktimin e çmimeve tavan për produktet baze në Kosovë.
